Malungkot na balita ngunit ayaw makita
Patay, mali tayong lahat
Paubos na raw ang gubat, pati tubig wala na
Ang natitira, nakabotelya
Huwag ng bigyang pansin ang suliranin
Mas madali kung dedmahin
Hayaan natin ang siyensiya
Lutasin ang mga problema
Malungkot na balita, nasa dulo na ng dila
Ngunit hindi bibigkasin
Kahit na nasa langit, ito ay nakaguhit
Hindi pa rin babasahin
Huwag ng bigyang pansin ang suliranin
Mas madali kung dedmahin
Hayaan natin ang gobyerno
Ayusin ang lahat ng ito
Malungkot na balita
Kalagayan ay malubha na
Tayo daw ang problema
Dahil sa katangahan at walang pakialaman
Hindi na kayang iwasan
Malungkot na balita, nasa dulo na ng dila
Ngunit hindi bibigkasin
Ang gusto lang pakinggan ay ang mga tsismisan
Kuwentong walang kabuluhan
Kapit sa patalim tayo ngayon
Naghahanap ng paraan
Lahat ng bagay susubukan
Nang ang problema, ‘di kailangang harapin
Nang maiwasan at ito ay limutin
Nang ang problema, ‘di kailangang harapin
Nang maiwasan at ito ay limutin
Malungkot na balita
Kalagayan ay malubha na
Tayo daw ang problema
Dahil sa katangahan, hindi na kayang iwasan
Malungkot na balita ngunit ayaw makita
Kahit na nasa langit, ito ay nakaguhit
Malungkot na balita, nasa dulo na ng dila