[Massimo Ranieri]:
Staje luntana da stu core
A te volo cu 'o penziero
Niente voglio e niente spero
Ca tenerte sempe affianco a me!
Si' sicura 'e chist'ammore
Comm'je so' sicuro 'e te…
[Massimo Ranieri]:
Oje vita, oje vita mia
Oje core 'e chistu core
Si' stata 'o primmo ammore
E 'o primmo e ll'urdemo sarraje pe' me!
[Massimo Ranieri]:
Quanta notte nun te veco
Nun te sento 'int'a sti bbracce
Nun te vaso chesta faccia
Nun t'astregno forte 'mbraccio a mme
Ma scetannome 'a sti suonne
Mme faje chiagnere pe' te…
[Massimo Ranieri]:
Oje vita, oje vita mia
Oje core 'e chistu core
Si' stata 'o primmo ammore
E 'o primmo e ll'urdemo sarraje pe' mme!
[Massimo Ranieri]:
Scrive sempe e sta' cuntenta:
Io nun penzo che a te sola
Nu penziero me cunzola
Ca tu pienze sulamente a mme
'A cchiù bella 'e tutt'e bbelle
Nun è maje cchiù bella 'e te…
[Massimo Ranieri]:
Oje vita, oje vita mia
Oje core 'e chistu core
Si' stata 'o primmo ammore
E 'o primmo e ll'urdemo sarraje pe' mme!